Адлия вазирлиги ходими Президент администрациясида масъул лавозимга тайинланди


Махмудов Зикирилла Аббосович Президент фармойишига асосан Ўзбекистон Республикаси Президенти Администрацияси шўъба мудири лавозимига тайинланди. Бу ҳақда Адлия вазирлиги Жамоатчилик билан алоқалар бўлими хабар берди. 

З. Махмудов 1983 йилда Қашқадарё вилоятида туғилган, маълумоти олий, 2006 йилда Тошкент ислом университетини, 2010 йилда Ўзбекистон миллий университетини тамомлаган, мутахассислиги ҳуқуқшунос.

З. Махмудов ўз меҳнат фаолиятини 2006 йилда Адлия вазирлиги Жамоат, нодавлат нотижорат ва диний ташкилотлар бошқармасининг катта маслаҳатчиси лавозимидан бошлаб, вазирлик тизимида турли лавозимларда фаолият юритган.

2018 йилдан ҳозирги вақтга қадар Адлия вазирлигининг Нодавлат нотижорат ташкилотлар бошқармасининг бошлиғи лавозимида ишлаб келган.

ВАЛЮТАЛАР КУРСИ

Жаҳон янгиликлари яна кўриш