Швециянинг Истанбулдаги Бош консуллигида кенг кўламли норозилик намойиши бўлиб ўтди, унда маҳаллий фаоллар Швеция байроғини намойишкорона ёқиб юборди, деб хабар беради Т24.
Нашрнинг таъкидлашича, бу акция антислом партияни бошқараётган ўта ўнгчи даниялик сиёсатчи Расмус Палуданнинг провокацион ҳаракатларига жавоб бўлган.
21 январ куни Палудан Туркиянинг Стокголмдаги элчихонаси олдида Қуръон нусхасини омма олдида ёқиб юборди. Маҳаллий ОAВ акция маҳаллий ҳокимият рухсати билан бўлиб ўтгани ҳақида маълумот тарқатди.
Туркия ташқи ишлар вазири Мевлут Чавушўғли Туркиянинг Стокголмдаги элчихонаси олдида Қуръоннинг ёқилиши “пасткашлик ва қабиҳлик” ва “ксенофобия ва ирқчилик”нинг кўриниши эканини айтди.
