«Толибон» Афғонистон ҳудудидан Термизнинг ўққа тутилгани ҳақидаги хабарни рад этди.
Бу ҳақда «Толибон» ТИВ расмий вакили Абдул-Қаҳар Балхий маълум қилди.
Унинг сўзларига кўра, афғон-ўзбек чегарасида вазият барқарор, хавотирга ўрин йўқ.
Шу билан бирга, Афғонистон томони барча қўшнилари олдидаги масъулиятли ҳукумат сифатида Афғонистон чегаралари устидан назоратни таъминлаш ва кимдир томонидан хавфсизлик бузилишига йўл қўймаслик мажбуриятини яна бир бор тасдиқлади.
